• Home »
  • Sinhala »
  • එක්සත් ජාතීන්ගේ ප්‍රඥප්ති කඩකන මානව හිමිකම් සමුලුව මානව හිමිකම් රකින්නේ කෙසේද? සරත් වීරසේකර මානව හිමිකම් කොමසාරිස්වරිය පතුරු ගසයි (Video)

එක්සත් ජාතීන්ගේ ප්‍රඥප්ති කඩකන මානව හිමිකම් සමුලුව මානව හිමිකම් රකින්නේ කෙසේද? සරත් වීරසේකර මානව හිමිකම් කොමසාරිස්වරිය පතුරු ගසයි (Video)

(Courtesy of Lanka Lead News)
genewa-1

මානව හිමිකම් සමුලුව එක්සත් ජාතීන්ගේ සංවිධානයේ ප්‍රඥප්ති කඩකරමින් මානව හිමිකම් රකින්නේ කෙසේද? රියර් අද්මිරාල් (විශ්‍රාමික) සරත් වීරසේකර මහතා මේසේ ප්‍රශ්න ක‍ළේ ”ජාතික සමතා බලවේගය” වෙනුවෙන් ඊයේ එනම් 19 වන දින මානව හිමිකම් කොමිසමට පෙත්සමක් ඉදිරිපත් කිරීමෙන් අනතුරුවය.

මෙම අවස්ථාවට ජිනීවාහී මානව හිමිකම් සමුළුවේ 40 වන සැසිවාරයට සහභාගී වීමට පැමින සිටින ගෝලීය ශ්‍රී ලාංකික සංසදයේ විධායක කමිටුවේ සාමාජිකයින් පිරිසක්ද සහභාගී වුන අතර එහි ස්විට්සර්ලන්තයේ සභාපති එරික් මාකවිටගේ මහතා විසින් අදාල පෙත්සම මානව හිමිකම් කොමිසමේ සභාපති කොලේ සැක් මහතා වෙත පිළිගන්වන ලදී.

වීරසේකර මැතිතුමා පැවසුවේ එක්සත් ජාතීන්ගේ ප්‍රඥප්තියේ 2/(7) වගන්තිය අනුව කිසිදු ස්වෛරී රාජ්‍යයක අන්හ්‍යන්තර කටයුත්තක් සඳහා මැදිහත් වීමට එක්සත් ජාතීන්ගේ මානව හිමිකම් කොමිසමට බලයක් නොමැති බවත්, 2015 දී ගෙන ආ 30/1 නිර්දේශ වැරදි කරුනු මත පදනම්ව ගොඩනගා ඇතිබවත්, එබැවින් 40/23 නිර්දේශද බල රහිත කලයුතු බවත්ය. ශ්‍රී ලංකාවේ වෛරී පාලනය නැවත වතාවක් රට පාවා දුන් බවද, ජනපති වහා මෙම වරද නිවැරදි කලයුතු බවද එතුමා පවසන ලදී.

තවද, 2015 දී වෛරී පාලනය ජනතාව මුලා කරමින් රනවිරුවන් බේරා ගන්නා ලදැයි පැවසුවද මෙවර මහ කොමසාරිස්වරිය විසින්ම ජගත් ඩයස්, ජගත් ජයසූරිය, ශවේන්ද්‍ර සිල්ව, කමල් ගුනරත්න, ප්‍රසන්න හා චාගී ගාල්ලගේ යන රන විරුවන්ව පිට රටකට පැමිනි වහාම අත් අඩංගුවට ගන්නාලෙස උපදෙස් දී ඇති බවද පවසන ලදී.

මහ කොමසාරිස්වරියගේ වාර්තාවෙන් වසර 615ක් පැරනි ඇටකටු වලටද වත්මන් රනවිරුවන් වැරද කරුවන් කර ඇති බවද එයම මෙම 40/23 නිර්දේශ නිශ්ප්‍රභා කිරීමට ප්‍රමානවත් බවද, රටේ අවාසනාවට වෛරී පාලනය එසේ කොන්ද පන ඇතිව ක්‍රියා නොකරන බවද, වඩා කනගාටුවට කරුන වන්නේ විදවතුන් යැයි කියා ගන්නා සමහරක් විවාද වලට පැමින මෙම 40/23 යෝජනාවට සම අනුග්‍රහය දැක්වීම සාධාරනය කිරීමට උත්සාහ කරීම පිලිබඳව බවත්ය.

මෙවර සම අනුග්‍රහය දැක්වීමෙන් අහෝසිවී යාමට තිබූ කූට යෝජනාවලියකින් මිදීමට තිබුන අවස්ථාවක් ගිලිහී ගිය බවද, එතුමා ඇතුලු ගෝලීය ශ්‍රී ලාංකික සංසදයේ විධායක කමිටුව නව යෝජනා සඳහා සම අනුඝ්‍රහය දැක්වීම හෝ ප්‍රති යෝජනා ගෙන ඒම මුල සිටම ප්‍රතික්ශේප කල බවත් සමහර කරුනු කාරනා හරියාකාරව නොදත් සංවිධාන සහ පුද්ගලයින් ප්‍රති යෝජනා ගෙන ආයුතු යැයි පැවසුව බවත්, එහි ආදීනව දැන් පැහැදිලිව පෙනෙන බවත් ප්‍රකාශ කරන ලදී.

මෙවර බාරදීම පිණිස පෙත්සම සකස් කරන ලද්දේ මීට වසර දෙකකට පෙර “විරුවන්ගේ විත්ති වාචකය” සම්පාදනය කරන ලද නීතිඥ්ඥ දර්ශන් වීරසේකරය මහතා විසිනි.

sarath

236 Viewers