ඉන්දීය අග්‍රාමාත්‍යවරයාගේ පසුගිය නිල සංචාරයට සමගාමිව….
ඉන්දීය අග්‍රාමාත්‍යවරයාගේ පසුගිය නිල සංචාරයට සමගාමිව ශ්‍රි ලංකා රජය සහ ඉන්දීය රජය සමග අත්සන් කල ගිවිසුම් හතක් අභියෝගයට ලක්කරමින් දේශප්‍රේමි ජාතික පෙරමුණ ඇතුළු ජාතික සංවිධාන හයක් විසින් ශ්‍රේෂ්ඨාධිකරණයේ නඩු පවරා තිබෙනවා.
මෙම ගිවිසුම් වල අන්තර් ගතය හෙළිදරවු කිරිම ප්‍රතික්ෂේප කිරිමෙන් තමන්ගේ මුලික අයිතිවාසිකම් උල්ලංඝනය වන බවත් එම ගිවිසුම් පාර්ලිමේන්තුවට ඉදිරිපත් නොකිරිමෙන් ආණ්ඩු ක්‍රම ව්‍යවස්ථාව සහ ජනතා පරමාධිපත්‍ය බලය උල්ලංගණය වන බවත් පෙත්සම්කරුවෝ චෝදනා කරති.
මෙම පෙත්සම දේශප්‍රේමි ජාතික පෙරමුණ වෙනුවෙන් නීතීඥ නුවන් බැල්ලන්තුඩාව, ජාතික සංවිධාන එකමුතුව වෙනුවෙන් ගුණදාස අමරසේකර,දේශහිතෛෂි ජාතික ව්‍යාපාරයේ මහලේකම් වෛද්‍ය වසන්ත බන්ඩාර, තුන්හෙල ජාතික ව්‍යාපාරයේ ලේකම් වෛද්‍ය අශෝක කමලදාස සහ ගෝලීය ශ්‍රි ලංකා සංසදය වෙනුවෙන් ශාමෙන්ද්‍ර වික්‍රමාරච්චි යන අය සාමුහික පෙත්සම් කරුවන් ලෙස ඉදිරිපත් කලහ.
මේ සම්බන්ධයෙන් අදහස් දැක්වු දේශප්‍රේමි ජාතික පෙරමුණේ නායක නීතීඥ නුවන් බැල්ලන්තුඩාව මහතා ප්‍රකාශ කර සිටියේ ඉන්දියානු ව්‍යාප්තවාදයට එරෙහිව තරුණයන් දහස් ගණනක ජිවිත මතින් සටන් වැදුන ජනතා විමුක්ති පෙරමුණ මෙම ගිවිසුම් අත්සන් කිරිමෙන් තමන්ගේ මතවාදය වෙනුවෙන් ජිවිත පරිත්‍යාග කල ඒ තරුණයන්ගේ ජිවිත සමච්චලයට ලක් ඇතිබවයි. අනුර කුමාර දිසානායක ජනාධිපතිවරයා කතා කරන සහකම්පනය තමන් වෙනුවෙන් සටන් වැදුනු සගයන් වෙනුවෙන් නැද්ද යන්න ජනාධිපතිවරයා ප්‍රකාශ කල යුතුය. ආණ්ඩුවේ ඇමතිවරුන්ට ත්‍රිකුණාමලය තෙල් ටැංකි හුදු තෙල් ටැංකි ලෙස පෙනුනත් ඉන්දියාවට එය භූ දේශපාලනයේ වැදගත් කේන්ද්‍රයක් බව දේශපාලනයේ හය හතර දන්නා දරුවකුත් දන්නවා. මේ ගිවිසුම් මගින් අපේ ස්වාධිපත්‍යය ඉන්දියාවට යටත් කරනවා පමණක් නොව ඉන්දියානු සාම කලාපය තුල ලෝක බලවතුන්ගේ ගැටුම් වලට අතවැනීමකුත් වෙනවා.එදා නොබැඳි රාජ්‍යයක් ලෙස විරුදාවලිය ලත් අපෙ රට මේ ගිවිසුම් නිසා ලෝක බලවතුන්ගේ පොර පිටියක් බවට පත්වෙනවා. බලශක්තිය පිළිබඳව ගිවිසුම් නිසා අපේ පුනර්ජනනීය බලශක්ති මූලාශ්‍ර වල අයිතිය ඉන්දියාවට පැවරෙනවා. ආණ්ඩුව එක් අතකින් ක්‍රමානුකුලව සූර්‍ය බල ශක්තිය කප්පාදු කරමින් අනෙක් පැත්තෙන් පුනර්ජනනිය බලශක්ති අයිතිය අදානිට පවරා දෙනවා. අදානි බංගලාදේශයේ විදුලි බලය සම්බන්ධ අධිකාරිය තමන් අතට ගෙන එහි ආර්ථිකයේ ගොටුව සිර කරමින් සිටිනවා. රනිල් වික්‍රමසිංහ ගේ මුණුබුරා වගේ අනුර කුමාර ජනාධිපතිවරයාත් අපේ රට ඉන්දියාවේ යටත් විජිතයක් කිරිමට කටයුතු කරනවා. මේ ගිවිසුම් නෛතිකව මෙන්ම දේශපාලනිකවත් පරාජය කිරිම අපේ දේශ්ප්‍රේමි ජනතාවට පැවරෙන ඓතිහාසික වගකීමක් බව නුවන් බැල්ලන්තුඩාව මහතා වැඩිදුරටත් ප්‍රකාශ කලේය.
දේශප්‍රේමි ජාතික පෙරමුණ මෙම ගිවිසුම් වලට එරෙහිව “රට අස්ථාවර කරන, ජාතික සම්පත් විකුණන,මවුබිමේ ස්වෛරීත්වය පාවා දෙන ඉන්දියානු හොර ගිවිසුම් වලට එරෙහිව මහජන සමුළුවක් ද පැවත් වු අතර ජනතාව දැනුවත් කිරිම සඳහා පෝස්ටර් ව්‍යාපාරයක් ද ක්‍රියාත්මක කරන ලදි.
4 Viewers
Finally, AKD's promise did not materialize?
AKD promised to reveal the names of the Culprits on 21st April 2025 instead he said he gave the full commission report to the CID.
Why couldn't he give the full report to the CID almost 7 months??
