පාස්කු ප්රහාරය
පාස්කු ප්රහාරය ඉස්ලාම් අන්තවාදීන් විසින් සිදු කළත් පාස්කු ප්රහාරයෙන් විශාලතම ප්රතිලාහ ලැබුවේ කාඩිනල් ප්රමුඛ කතෝලික සභාව.
1948 ට පෙර කතෝලික සභාව ශ්රී ලංකාවේ බලවත්ම ආයතනයක්. හැබැයි 1948 න් පස්සේ ඒ බලය වියැකී ගියා.
කතෝලික සභාවට ඒ බලය යළිත් ලැබුනේ හෝ ඔවුන් ඒ බලය තහවුරු කරගත්තේ පාස්කු ප්රහාරයෙන්.
ඒකට හොඳ උදාහරණයක් මෑතක දී දැක්කා.
බිමල් රත්නායක කියන්නේ ජවිපෙ ඊලග නායකයා. ඒ වගේම පාර්ලිමේන්තුවේ සභානායකයා.
බිමල් මේ බලයෙන් ඔලුව උදුම්මවාගත්තු මිනිහෙක්. බිමල් උත්සාහ කරනවා ඔහු වෙන කාටවත් පහළින් නෑ කියලා පෙන්නන්න.
එම නිසාම ඔහුගේ තියෙන්නේ මහා උද්ධච්ඡ හැසිරීමක්. බිමල් කවුරුත් ගණන් ගන්නේ නැහැ.
ඔහුගේ මුහුණේ නොසැලකිල්ල පිරිලා. ඔහු පාර්ලිමේන්තුවේ විපක්ෂ මන්ත්රීවරුන්ට කතා කරන්නේ ‘අයිසේ’ කියලා. බලෙන් රනිල් වෙන්න යනවා. බලෙන් මහින්දගේ ගෞරවය ගන්න හදනවා.
ඒ තමයි මම නිරීක්ෂණය කරපු බිමල්ගේ මනෝභාවය.
පහුගියදවසක බිමල් පාර්ලිමේන්තුවේ ශානි, රවී පත් කරන්න කිව්වේ කාඩිනල් කියලා කිව්වා. පැහැදිලිවම කියපු කතාවක්. හැන්සාඩ් ගත වූ ප්රකාශයක්.
ඊට පස්සෙ දවසෙම කතෝලික සභාවේ සිරිල් ගාමිණි මාධ්ය හමුවක් තිව්වා. බිමල් කිව්වේ බොරුවක් ය, තමන් එවැනි ඉල්ලීමක් කළේ නැහැ ය කියලා කිව්වා.
ඊටපස්සේ බිමල් මොකද කළේ ?
අපි දන්න සාම්ප්රදායික බිමල් නම් පරල වෙලා, ගේම ඉල්ලනවා. එහෙම නැත්නම් සුපුරුදු නක්කල් හිනාව දාලා ඒ කතාව ප්රතික්ෂේප කරලම දානවා.
හැබැයි බිමල් රත්නායක, තමන් දේශපාලනිකව නාන බව දැන දැනත් තමන් එහෙම කතාවක් නොකියපු බව කිව්වා.
කාඩිනල්ට සහ කතෝලික සභාවට තියෙන බය නිසා බිමල් රත්නායක දැන දැනම දේශපාලනිකව විහිළුවක් වුණා.
අපි දන්න බිමල් එහෙම පොරක් නෙවෙයි.
බිමල් හෝ මේ ආණ්ඩුවේ කිසිවෙක් මහනායක හාමුදුරුවරුන් එවැනි කතාවක් කිව්වා නම්, ඒ විදියට රීවර්ස් ගියර් එකට යන්නෙ නැහැ.
මේ ආණ්ඩුව බලයට ඇවිල්ලා අටමස්ථානාධිපති කියන තනතුරට පහර දෙන්නවත් කුඩා හෝ මැලිකමක් දැක්කුවේ නැහැ.
ඔවුන් ලොකු කැම්පේන් එකක් කරලා අටමස්ථානාධිපතිට ගැහුවේ.
හැබැයි ඔවුන් පවා කතෝලික සභාවට බයයි.
ඒ තමයි කාඩිනල් ප්රමුඛ කතෝලික සභාව පාස්කු ප්රහාරයෙන් ලබා ගත් තෑග්ග.
මෙහෙම හිතන්න.
කාඩිනල්ට දැන් 2026 දී ඇහුවොත් ඔබට 2019 දී අවස්ථාවක් ලැබෙනවා පාස්කු ප්රහාරය නවත්තන්න. ඔබ ඒ අවස්ථාව ගන්නවද කියලා.
කාඩිනල් කැමරාවට අනිවාර්යෙන්ම ඔව් කියනවා.
හැබැයි ඇත්තටම කාඩිනල්ට එවැනි අවස්ථාවක් ලැබුනත්, ඔහු පාස්කු ප්රහාරය වෙන්න ඉඩ හරිනවා.
කාඩිනල් ගොඩ ගියේ පාස්කු ප්රහාරයෙන්.
මැල්කම් රංජිත්ට කළින් මට කොළඹ ප්රධාන බිෂොප්ලාගේ නම් කියන්න.
සාමාන්ය කතෝලික නොවන පුරවැසියෙකුට එක නමක් ඔලුවට එන්නැහැ.
කොටින්ට කඩේ ගියපු රායප්පු ජෝශෆ් , පන්සලේ පියතුමා මර්සලින් ජයකොඩි පියතුමා වගේ සුවිශේෂි චරිත හැරුණුකොට.
හැබැයි දැන් ?
මැල්කම් රංජිත්ගේ ඉඳලා සිරිල් ගාමිණි ලා හැමදාම මේ රටේ ප්රවෘත්ති වල ඉන්නවා.
ඒ තමයි පාස්කු ප්රහාරයෙන් ඔවුන්ට ලැබුණු තෑග්ග.
පාස්කු ප්රහාරය කියන්නේ කාඩිනල්ගේ හිඟන්නාගේ තුවාලය.
කාඩිනල් ඒක සනීප කරගන්න දෙන්නෙ නැහැ. ඒක සනීප වෙච්ච ගමන් ඔහුගේ බලය ඉවර වෙන නිසා.
– Sachin rathwatte
1 Viewers
