සිතුල්පව්ව පූජාභූමි ගැසට්ටුව අංගසම්පූර්ණ වෙයි
ඓතිහාසික සිතුල්පව්ව රජමහා විහාරස්ථානයට අයත් පූජනීය ප්‍රදේශය පූජා භූමියක් ලෙස ප්‍රකාශයට පත්කරමින් බුද්ධශාසන, ආගමික හා සංස්කෘතික කටයුතු අමාත්‍ය, අග්‍රාමාත්‍ය මහින්ද රාජපක්ෂ මහතා විශේෂ ගැසට් නිවේදනයක් නිකුත් කර තිබේ.
පූජා භූමියේ චිරාත්කාලීන සුරක්ෂිත බව සඳහා මෙම තීරණය ගන්නා ලද බව අදාළ ගැසට් නිවේදනයේ දැක්වෙයි.
මෙයට පෙර සිතුල්පව්ව රජ මහා විහාරස්ථානයේ පූජා භූමියක් ලෙස ප්‍රකාශයට පත් කරමින් ගැසට් කර තිබුණ ද එහි වූ අඩුපාඩු හේතුවෙන් පූජා භූමියකට ලැබිය යුතු සංවර්ධනයක් නොලැබිණි.
මේ අනුව ඉදිරියේ දී සිතුල්පව්ව රජමහා විහාරයට අයත් පූජනීය ප්‍රදේශය ඓතිහාසික සිතුල්පව්ව රජමහා විහාරය පූජා භූමිය ලෙස නම් කීරීමට ද නියමිතය.
ගනේශ් වීදියබණ්ඩාර
(Courtesy of newswave.lk)
65 Viewers
