සිරිමාවෝ බණ්ඩාරනායක විද්යාලය සහ හරිනිගේ අධ්යාපන ප්රතිසංස්කරණය
සිරිමාවෝ බණ්ඩාරනායක විද්යාලය යනු සංසදනාත්මකව ගත් කළ ශ්රී ලංකාවේ පාසල් අතර දිගු ඉතිහාසයක් නොමැති එහෙත් ඉතාමත් ගෞරවනීයත්වයට පත්ව ඇති පාසලකි. එසේ විශිස්ඨ පාසලක් ලෙස සළකනුයේ ප්රජාන්ත්රවාදී ලෝකය තුළ භිහිවූ පළමුවන කාන්තා අග්රාමාත්යවරියගේ නමින් නමින් එය නම් කර ඇති නිසාත් සහ ඉහළ ප්රමිතියේ අධ්යාපන මට්ටමක් පවත්වාගෙන යනු ලබන නිසාත් මිස පසුගිය දිනක එම පාසල තුළ සිදුවූ අශෝභන සිදුවීම නිසා නොවේ.
චනිත්මා සිනාලි පාසලේ පැවති වර්ණ ප්රධාන උත්සවයේදී ඉතාමත් නිර්දය ලෙස විදුහල්පතිනිය වෙත දැඩි අපහාසාත්මක ප්රහාරයක් එල්ල කරමින් ඇයට සිදුවූ අසාධාරණයට විදුහල්පතිනිය වගකිව යුතු බවට චෝදනාවක් එල්ල කළේය. සමාජ මාධ්යයේ සමහරුන් එය හැදින්වූයේ වීර මද්දුම බණ්ඩාර සිදුකළ වීර ක්රියාව හා සම වන්නා වූ තරමේ ක්රියාවක් ලෙසටය. එය තම විදුහල්පතිනිය හට අමාත්යංශයට ගොස් නිදහසට කරුණු කීමට තරම් ප්රබල වූ චෝදනාවක් බවට පත් විය. ඇයගේ කතාව කුමක් ද කියා ඇයගේ වචන වලින් ම ප්රකාශ විය. දැන් අප විදුහල්පතිනියගේ ස්ථාවරය ද දන්නෙමු. එතුමිය පාසලේ පෙර පැවති ක්රමවේදය අනුව සියල්ල සිදු වූ බවට කරුණු පෙන්වා ඇත.
යශෝධා පෙරේරා නැමැති දියණියක් ද එහි පසුබිම පිළිබඳව දීර්ඝ විස්තරයක් සමාජ මාධ්යයට මුදා හැර ඇත. එහි නිවැරුදිභාවය අභියෝගයට ලක් වී ඇති බවක් පෙනෙන්නට නැත. එම කරුණු නිවැරුදි නම් චනිත්මා නිසා විදුහල්පතිනියට ද, විදුහලට ද, ඇයට වඩා දක්ෂ ක්රීඩිකාවන්ට ද විශාල අසාධාරණයක් සිදුව ඇත. ස්කොෂ් පුහුණුකරුවකු වූ තම පියාගේ බලය අනිසි ලෙස යොදා ගනිමින් ඇයට වඩා සුදුසුකම් තිබූ ඉහළ ශ්රේණිගතව සිටි පාතුම් ඉෂදීන් දියණිය ඉවත් කර ඇය ජාත්යන්තර තරඟාලියකට ගොස් පරාජය වී පැමිණීම ද බරපතල කාරණයක් නොවන්නේ ද?
මෙහිදී වැදගත් වන්නේ කවුරුන් හරිද හෝ වැරදි ද යන්න සෙවීමටත් වඩා චනිත්මා දියණිය මෙසේ හැසිරුනේ කුමණ හේතුවක් නිසා ද යන්න සොයා බැලීම මිස ඒ පිළිබඳව අපගේ විණිශ්චයක් ලබා දීම නොවේ.
01. දරුවන්ට ශාරීරික හෝ මනසික දඩුවම් ලබා දෙන්නන්ට එරෙහිව දැඩි දඩුවම් කිරීම සඳහා රජය ඉදිරිපත් කර පසුව ඉවත් කර ගත් පනත් කෙටුම් පත හරහා සමාජයට දුන් පණිවිඩය නිසා දරුවන් බරපතළ ලෙස නොමඟ ගොස් තිබීම.
02. වයස අවුරුදු 16 වැඩි දරුවන් හට තමන් කැමති පරිදි ලිංගික කටයුතු වල යෙදීමට අයිතියක් ඇති බව සහ ඒවා ප්රශ්ණ කිරීමට දෙමව්පියන්ට පවා අයිතියක් නැති බව ආණ්ඩුවේ මතය ලෙස ඉදිරිපත් කිරීම නිසා දරුවන් බරපතළ ලෙස නොමඟ ගොස් තිබීම.
පාසල් අවධියේ දී මා හට ද දැඩි අසාධාරණකම් වලට මුහුණ දීමට සිදු වූ අතර දැඩි දඩුවම් වලට ද භාජනය විය. එය හොද දෙයක් නොවුනත් එවක් පටන් අද දක්වාම එම විදුහල්පතිවරුනට හෝ ගුරු භවතුනට එරෙහිව තුන් හිතකවත් වෛයිරයක් ඇති නොවුණි. එයට හේතු දෙකක් ඇත.
01. ඒ ගුරුභවතුන්ගේ සද්භාවමය ඒකායන ප්රාර්ථනය වූයේ ඔවුන්ට වඩා අප උගතුන් බවට පත් කිරීම.
02. ඔවුන්ගේ දැඩි පාලනය නොවන්නට අප අද සිටිනුයේ මෙතන නොව සිරගෙයක හෝ පදික වේදිකාක වීමට තිබූ ඉඩ කඩ ගැන අපිට අවබෝධයක් තිබීම.
මා අධිකරණ අමාත්යවරයාව සිටිය දී ඉහත කී පනත් කෙටුම්පත බොහෝ අවස්ථාවලදී විවිද දේශීය සහ විදේශීය ආයතන සහ පුද්ගලයන් ඉදිරිපත් කරමින් සම්මත කර දෙන ලෙසට ඉල්ලීම් කළත්, ලද මුල් අවස්ථාවේ ම කුණු කූඩයට දැමුවේ ඔවුන් ඉදිරිපිටදීම ය.
අප රට අරාජික කිරීමට සහ විනාශ කිරීමට අර අදින මිතුරු වෙසින් පෙනී සිටින විදේශ බලවේග සහ දේශීය පරපුටුවන් සැළසුම් කරණ පරිදි එය කිරීමට සුදුසුම ක්රම වේදය තෝරා ගෙන ඇත. මානව අයිතිවාසිකම් දඩ මීමා කර ගෙන අනාගත දරු පරම්පරාව නන්නත්තාර කර දැමීම සාර්ථකව සිදු කරන බවට හොද උදාහරණයක් ලෙස චනිත්මා සිනාලිගේ ඉහත කී හැසිරීම පෙන්වා දිය හැකිය. පුරවැසියන් ලෙම අපගේ යුතුකම වන්නේ ඇයගේ ක්රියාය වික්රමයක් ලෙස හුවා දැක්වීම හෝ ඇයව විවේචනය කිරීම නොව කරුණු පහදා දෙමින් රට වැටෙමින් පවතින විපත්තියෙන් ගොඩ ගැනීම සඳහා යුහුසුළු වීමය.
ආචාර්ය විජයදාස රාජපක්ෂ
17 Viewers
