ඩී.එස්. සේනානායක විද්යාලයේදී රණවිරු උපහාර පැවැත්වෙයි
ඇමරිකා එක්සත් ජනපදය සහ ඉරානය අතර වර්ධනය වෙමින් පවතින උණුසුම්කාරී වාතාවරණය හේතුවෙන් ගෝලීය දේශපාලන කරළිය කැළඹී ඇති මොහොතක, යුද්ධයක ඇති මානුෂීය බලපෑම මැනවින් කියාපාන සංවේදී පුවතක් ඊයේ දින (සිකුරාදා (06)) කොළඹ ඩී.එස්. සේනානායක විද්යාලයෙන් වාර්තා විය.
ඒ, සිය රට වෙනුවෙන් දිවි පිදූ රණවිරුවන් සිහිපත් කරමින් එම විද්යාලයීය ආදි ශිෂ්ය සංගමය විසින් සංවිධානය කරන ලද “රණවිරු උපහාර 2026” සැමරුම් උළෙලේදීය.
මෙහිදී වඩාත්ම අවධානයට ලක්වූ සිදුවීම වූයේ ප්රවීණ ගායන ශිල්පිනී සුජාතා අත්තනායක මහත්මිය, “තමාට පෙර රට” යන උදාර පාඨය පෙරදැරිව ශ්රී ලංකාවේ ඒකීයභාවය වෙනුවෙන් බෙදුම්වාදී කොටි ත්රස්තවාදය පැරදවීමට රට වෙනුවෙන් දිවි දුන් තම ආදරණීය පුතු, කපිතාන් චානක සංජීව අත්තනායක මහතාගේ රුව ඉදිරියේ දැක්වූ ගෞරවාචාරයයි.
ලෝක බලවතුන් යුධ අභ්යාස සහ හමුදා මෙහෙයුම් පිළිබඳ අවධානය යොමු කර සිටින මෙවන් යුගයක, යුද්ධයක නියම වන්දිය ගෙවන්නේ කවුරුන්ද යන්න ඇයගේ මෙම නිහඬ ආචාරය තුළින් මැනවින් නිරූපණය විය.
නව ගෝලීය තර්ජන සහ සන්ධානගතවීම් හමුවේ ලෝකය වෙනස් වෙමින් පැවතියද, සෑම හමුදාමය ක්රියාමාර්ගයක් පිටුපසම ආපසු නොපැමිණි පුතෙකු සහ ඔහු දෙස බලා අදටත් සුසුම්ලන මවක සිටින බවට මෙම අවස්ථාව මුළු මහත් ලෝකයටම ප්රබල මතක් කිරීමක් සිදු කළේය.
10 Viewers
